Tuwing ika-12 ng Hunyo, ipinagdiriwang ng mga Pilipino ang Araw ng Kalayaan bilang paggunita sa makasaysayang deklarasyon ng kalayaan ng Pilipinas noong Hunyo 12, 1898. Ito ay araw para alalahanin ang mga sakripisyo ng ating mga bayani at pahalagahan ang mga karapatan at pagkakataong tinatamasa natin ngayon.

Ngunit, ang araw na ito ay hindi lamang tungkol sa kalayaan mula sa dayuhang pamamahala. Tungkol din ito sa responsibilidad nating protektahan ang kinabukasan ng ating bansa. Bilang mamamayan, mahalaga ang ating papel sa pangangalaga ng Pilipinas, lalo na sa ating pang-araw-araw na aksyon sa lipunan at kung paano natin iniingatan ang ating kapaligiran.

Ang mga hamon tulad ng polusyon, pagbabago ng klima, at deforestation ay patuloy pa ring nakaaapekto sa mga komunidad. Ang mga problemang ito ay ang nagpaparamdam sa atin na ang totoong kalayaan ay may kasamang responsibilidad na pangalagaan ang likas na yaman na aasahan ng mga susunod na henerasyon.

Kaya’t ngayong Araw ng Kalayaan, hinihikayat ng The Eco Shift ang lahat na magsagawa ng “sustainable habits.” Mga simpleng aksyon tulad ng pagbabawas ng paggamit ng plastik, paghihiwalay ng basura, pagtitipid ng tubig at kuryente, at pagsuporta sa mga hakbangin sa kapaligiran ay maaaring gumawa ng makabuluhang pagbabago. Sa pamamagitan ng "conscious choices," nag-aambag tayo sa isang mas malusog na kinabukasan para sa Pilipinas.

Habang ipinagdiriwang natin ang paglalakbay ng ating bansa tungo sa kalayaan, pairalin din natin ang pagiging responsableng tagapangalaga ng kapaligiran. Sama-sama tayong bumuo ng kinabukasang may kalayaan at malasakit sa kalikasan.

Maligayang Araw ng Kalayaan! Nawa'y patuloy nating pangalagaan hindi lamang ang ating kalayaan kundi maging ang magandang kapaligiran na tinatawag nating tahanan.

Written by Noira Maribao